لاعب شباب الزمالك يشكو من سوء المعاملة بعد استبعاده من الفريق الأول

كشف عمار ياسر لاعب فريق الشباب بنادي الزمالك عن معاناته بعد عودته من الفريق الأول للتدريب مع فريق الشباب بالنادي.

وكتب اللاعب عبر حسابه الرسمي على موقع التواصل الاجتماعي "انستجرام":" أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده".

وأضاف :" أنا من ساعة ما رجعت للناشئين من سنة وأكثر وأنا بتعامل بأسوأ معاملة عكس باقي زمايلي، وللأسف ولا كأني كنت طالع غضب عن حد، أو واخد مكان حد".

وواضل :" من السنة اللي فاتت لحد دلوقتي بيجيلي عروض إعارة وبيع وكلها كانت بترفض من غير ما أعرف مين السبب، و من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترضتش".

واختتم:" ولما أتكلم حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟ بعد كل ده، مطلوب منك تيجي التمرين وتلعب ومتتكلمش".